எதிர்பார்ப்பு

Hero Member Posts : 153

எதிர்பார்ப்பு

நேற்று சொல்லியிருக்கலாமோ என்றும்
இன்று சொல்லிவிடவேண்டும் என்றும்
நாளை சொல்லலாம் என்றும்
நகர்ந்து செல்கின்றன நாட்கள்.

கரை தட்டிய கப்பலாய்
மௌனக்கடலுக்குள் மூழ்கியிருக்கிறது
காதல்...

நமக்குள் இது என்ன உறவென்று
அடிக்கடி கேட்கிறாய் நீ
பதில் சொல்ல தடுமாறும் நொடிகளில்
சொல்லியிருக்கலாமோ நான்?

நான் சொல்வேனென்று நீயும்
நீ சொல்வாயென்று நானும்....
நீர்க்குமிழியாய் சுற்றும் நம் மௌனம்
எப்போது உடையும்?

நீ என்னிடம் ஏதோ பேச வரும்போதெல்லாம்
இதயம் ஒரு நிமிடம் நின்று துடிக்கிறது,
உன் நேசிப்பை சொல்ல வருகிறாயோ என்று.
இப்படித்தான் உனக்குள்ளும் இருக்கும்
ஒரு உயிர் துடிப்பு...

எதிபார்ப்பதும் ஏமாறுவதும்
வாடிக்கையான நிகழ்வுகளாய்
நித்தமும்...

இந்த மௌனமும் முடியுமோ
ஒரு பொழுதில்?